Fin del torn de França e partença per l’Ocean Indian


Adishatz,

I sèm, manca de l’aver vertadièrament acabat, avèm clavat nòstre “torn de lançada” en França! De setembre a decembre 2017 avèm pedalat mai de 2500 quilomètres, al despart d’Agen e fins a Mâcon en traversant las regions Novèla-Aquitània, País-de-Leire, Bretanha, Normandia, Isla-de-França, Centre-Val-de-Leire et Borgonha-Franc-Comtat. Un camin comol d’aventuras e d’encontres! Per los qu’aurián mancat nòstra vidèo de retrospectiva del projècte pendent l’annada 2017, una annada plan granada amb los meses de construcion de nòstre tandèm, d’animacions e de periple en França, la vaquí :

Alavetz, de que fasèm ara? D’unes ja sabon qu’es pas l’ondada de freg qu’arribèt en França mas sustot una bona oportunitat que nos menèt a clavar aqueste torn de lançada… per anar dins l’Ocean Indian!



La planificacion d’aquela novèla etapa del projècte foguèt modificada mai d’un còp e se èra previst a la debuta de menar nòstre tandèm amb nosautres, aquò se farà pas per de rasons de logistica e de programacion del projècte (passatge dins mantunas islas entre las qualas los transpòrts de cargament son complèxes, de calendièrs escolars diferents sus cada isla als quals nos cal adaptar, etc.).



Portam çaquelà una partida de nòstre material (panèls solars, bateria, material electronic e assisténcia electrica de velò) per poder electrificar un velò dret coma supòrt per nòstras animacions pedagogicas sus plaça.


E lo demai del tandèm demòra doncas en França, a cobèrt dins la caissa que deviá servir pel viatge en batèu, a esperar novèlas aventuras!

 

A lèu!

 

La còla SolaR’hythm