La seguida del torn de França e qualques novèlas!


Adishatz,

Las darrièras setmanas foguèron plena de rebombidas. Vos anam contar aquò!

Dempuèi la debuta, lo projècte Positive Energy Tour es fach d’encontres e aqueste còp avèm l’astre de trabalhar amb la Comission de l’Ocean Indian sul tèma de las energias renovelables. Se trachan d’un fum de projèctes comuns a la region. Una de lors tòcas es de sensibilizar lo mond de la region de l’Ocean Indian a las possibilitats e al foncionament de las energias renovelables, que son pas pro desvolopadas en aqueles luòcs mentre que i a un bèl potencial de produccion d’energia solara per exemple.

Per participar a lor objectiu, la Comission de l’Ocean Indian nos demandèt fa qualquas setmanas de menar nòstre tandèm sus las islas de Maurici, Seychelles, Comòras e Madagascar per anar al davant d’escòlas, lor mostrar cossí fonciona e quines son los avantatges de l’energia solara… Nos demandèron d’organizar aquò amb eles pel mes d’octobre perque sus l’isla Maurici las vacanças pels escolans començan en novembre e en genièr comença la temporada dels ciclònes. Nos caliá doncas i anar lèu lèu per aver lo temps d’anar sus cada isla e de tornar en decembre. Nos sèm doncas arrestats de viatjar fa tres setmanas per preparar aquò : verificar la possibilitat logistica d’un tal projècte e organizar las causas amb la Comission de l’Ocean Indian.

Es un vertadier desfís de menar lo tandèm sus cada isla mas avèm comprés cossí fonciona lo transpòrt d’afret e avèm començat las requèstas administrativas.

Fin finala, las autorizacions oficialas per intervenir dins las escòlas son pas encara validadas e i a una epidèmia de pèsta pulmonara plan virulenta a Madagascar que nos empacha de far lo torn de las islas ara. Aprèp serà la temporada dels ciclònes alavetz aqueste projècte se farà puslèu en abril 2018. Aital aurem lo temps de preparar pel menut las animacions amb los professors de cada escòla per que sián lo mai adaptat possible als dròlles. Aquesta escasença es una plan bona oportunitat pel nòstre projècte de contunhar las animacions pedagogicas dins la region de l’Ocean Indian ont i a una demanda vertadièra de sensibilizacion a las energias renovelables.

Ara que tot aquò es planificat, podèm contunhar nòstre torn de França direccion la Normandia. Partença dins qualques jorns, esitatz pas a nos escruire se volètz nos encontrar, podèm encara adaptar l’itinerari. 🙂

A lèu !

 

La còla SolaR’hythm